💐ଦେବୀକୃତା ଭୈରବସ୍ତୁତିଃ 💐
ନିତ୍ୟାନନ୍ଦଂ ପରଂ ଶାନ୍ତଂ ନିଷ୍କଳଂ ଚ ନିରାମୟମ୍ ।
ବ୍ୟୋମାତୀତଂ ପରଂ ଶୂନ୍ୟଂ ଭୈରବଂ ତଂ ନମାମ୍ୟହମ୍ ॥ ୧॥
ପରାତ୍ପରତରଂ ଶାନ୍ତଂ ଶୁଦ୍ଧମତ୍ୟନ୍ତନିର୍ମଳମ୍ ।
ଭୂତଂ ଯେନ ଜଗତ୍ସର୍ୱଂ ଭୈରବଂ ତଂ ନମାମ୍ୟହମ୍ ॥ ୨॥
ଇଡାପିଙ୍ଗଲୟୋର୍ମଧ୍ୟେ ନିଶ୍ୱାଶୋଚ୍ଛ୍ୱାସଚାରିଣମ୍ ।
ଦ୍ୱାଦଶାନ୍ତେ ଲୟଂ ଯସ୍ୟ ଭୈରବଂ ତଂ ନମାମ୍ୟହମ୍ ॥ ୩॥
କୁଣ୍ଡଲ୍ୟା ତୁ ଲୟଂ ଯସ୍ୟ ପରାନ୍ତେ ବିଲୟଂ ପୁନଃ ।
ହରତ୍ୟମୃତରୂପେଣ ଭୈରବଂ ତଂ ନମାମ୍ୟହମ୍ ॥ ୪॥
ଅକୁଳାକୁଳସମ୍ଭୂତଂ କୁଳୋତ୍ପତ୍ତିବିବର୍ଜିତମ୍ ।
ବିଶ୍ୱରୂପଂ ପରଂ ନିତ୍ୟଂ ଭୈରବଂ ତଂ ନମାମ୍ୟହମ୍ ॥ ୫॥
କଲାକଲଙ୍କରହିତଂ ନିର୍ୱିକାରଂ ନିରଞ୍ଜନମ୍ ।
ଶୂନ୍ୟାଚ୍ଛୂନ୍ୟତରଂ ଶୂନ୍ୟଂ ଭୈରବଂ ତଂ ନମାମ୍ୟହମ୍ ॥ ୬॥
ଆପାତାଳମୂର୍ଧ୍ନିସ୍ଥଂ କନ୍ଦନାଳସମାସ୍ତୃତମ୍ ।
ହଂସରୂପଂ ନିରାଭାସଂ ଭୈରବଂ ତଂ ନମାମ୍ୟହମ୍ ॥ ୭॥
ଆକାଶଜ୍ୟୋତିମାରୂଢଂ ବ୍ୟୋମାତୀତଂ ନିରାମୟମ୍ ।
ବ୍ୟୋମବ୍ୟାପି ପରଂବ୍ୟୋମ ଭୈରବଂ ତଂ ନମାମ୍ୟହମ୍ ॥ ୮॥
ଚନ୍ଦ୍ରାର୍କବହ୍ନିମଧ୍ୟସ୍ଥଂ ଦୃଷ୍ଟାଦୃଷ୍ଟୈକଗୋଚରମ୍ ।
ରୂପାରୂପବିନିର୍ମୁକ୍ତଂ ଭୈରବଂ ତଂ ନମାମ୍ୟହମ୍ ॥ ୯॥ ଅନାଖ୍ୟଂ ଚ ନିରାଭାସଂ
ନାଡିକାର୍ଣବସମ୍ଭୂତଂ ମନ୍ତ୍ରଜାଳପ୍ରକାଶସ୍ଥ ।
ଅତୀତଗୋଚରଂ ଶମ୍ଭୁଂ ଭୈରବଂ ତଂ ନମାମ୍ୟହମ୍ ॥ ୧୦॥
ହକାରାର୍ଦ୍ଧଂ ପରଂ ସୂକ୍ଷ୍ମଂ ପରାନନ୍ଦଂ ପରାତ୍ପରମ୍ ।
ପରସ୍ୟାନ୍ତେ ପରେ ଲୀନଂ ଭୈରବଂ ତଂ ନମାମ୍ୟହମ୍ ॥ ୧୧॥
ଘଣ୍ଟିକାନ୍ତେ ପରଂ ଶାନ୍ତଂ ବ୍ରହ୍ମରନ୍ଧ୍ରବିନିର୍ଗତମ୍ ।
ଆକାଶଂ ନିର୍ମଳଂ ସୂକ୍ଷ୍ମଂ ଭୈରବଂ ତଂ ନମାମ୍ୟହମ୍ ॥ ୧୨॥
ଅଖଣ୍ଡନିର୍ମଳଂ ଶୁଦ୍ଧଂ କଳା କଲ୍ପବିବର୍ଜିତମ୍ । କଲ୍ପା କଲ୍ପ
ନିତ୍ୟଂ ପ୍ରମେୟରହିତଂ ଭୈରବଂ ତଂ ନମାମ୍ୟହମ୍ ॥ ୧୩॥
ଯଥା ଭାନୁଗତା ରଶ୍ମିମର୍ୱ୍ୟାପୟେନ୍ନିଖିଲଂ ଜଗତ୍ । ଭାନୁଗତୋ
ତଥା ସର୍ୱଗତଂ ଦେବଂ ଭୈରବଂ ତଂ ନମାମ୍ୟହମ୍ ॥ ୧୪॥
ନାଦାନ୍ତବିନ୍ଦୁସଂଲୀନଂ ଶକ୍ତ୍ୟାତୀତମଗୋଚରମ୍ ।
ମାଲିନ୍ୟଙ୍ଗସମୁଦ୍ଭୂତଂ ଭୈରବଂ ତଂ ନମାମ୍ୟହମ୍ ॥ ୧୫॥
ଅନିଲାନଲସଂୟୁକ୍ତଂ ବ୍ୟାପକଂ ପରମେଶ୍ୱରମ୍ ।
ଭୁବନତ୍ରୟସଂଲୀନଂ ଭୈରବଂ ତଂ ନମାମ୍ୟହମ୍ ॥ ୧୬॥
ଅକାରାଦିକ୍ଷକାରାନ୍ତଂ କୁଲପିଣ୍ଡସମୁଦ୍ଭବମ୍ ।
କାରାତ୍ରିଶସ୍ୱରୂପସ୍ଥଂ ଭୈରବଂ ତଂ ନମାମ୍ୟହମ୍ ॥ ୧୭॥
ଯଥା ଜଳଗତା ସୂର୍ୟଶ୍ଚନ୍ଦ୍ରଶ୍ଚାପ୍ସୁ ବ୍ୟବସ୍ଥିତଃ ।
ତଥା ସର୍ୱଗତଂ ଦେବଂ ଭୈରବଂ ତଂ ନମାମ୍ୟହମ୍ ॥ ୧୮॥
ଯଥା ଚାଗ୍ନିଗତଂ ତେଜୋ ଯଥା ବାୟୁଃ ସ୍ୱରୂପତଃ ।
ତଥା ସର୍ୱଗତଂ ଦେବଂ ଭୈରବଂ ତଂ ନମାମ୍ୟହମ୍ ॥ ୧୯॥
ପୃଥିବ୍ୟାପସ୍ତଥା ତେଜୋ ବାୟୁରାକାଶ ଏବ ଚ ।
ପଞ୍ଚଭୂତଗତଂ ଦେବଂ ଭୈରବଂ ତଂ ନମାମ୍ୟହମ୍ ॥ ୨୦॥
ଶବ୍ଦସ୍ପର୍ଶରୂପରସଗନ୍ଧତନ୍ମାତ୍ରପଞ୍ଚକମ୍ ।
ଏତଦ୍ୱ୍ୟାପ୍ୟ ସ୍ଥିତଂ ଦେବଂ ଭୈରବଂ ତଂ ନମାମ୍ୟହମ୍ ॥ ୨୧॥
ବାକ୍ପାଣିପାଦପାୟୂପସ୍ଥପଞ୍ଚକସଂସ୍ଥିତମ୍ ।
ପଞ୍ଚକର୍ମେନ୍ଦ୍ରିୟୈଃ ସଂସ୍ଥଂ ଭୈରବଂ ତଂ ନମାମ୍ୟହମ୍ ॥ ୨୨॥
ଶ୍ରୋତ୍ରଂ ତ୍ୱକ୍ ଚକ୍ଷୁଷୀ ଜିହ୍ୱା ଘ୍ରାଣଂ ଚୈବ ତୁ ପଞ୍ଚମମ୍ ।
ପଞ୍ଚେନ୍ଦ୍ରିୟସୁସମ୍ଭୂତଂ ଭୈରବଂ ତଂ ନମାମ୍ୟହମ୍ ॥ ୨୩॥
କାମଃ କ୍ରୋଧସ୍ତଥା ଲୋଭୋ ମୋହଶ୍ଚୈବ ଚତୁଷ୍ଟୟମ୍ ।
ଅନ୍ତଃକରଣସମ୍ଭୂତଂ ଭୈରବଂ ତଂ ନମାମ୍ୟହମ୍ ॥ ୨୪॥
ପକ୍ଷିକୀଟୈସ୍ତଥା ବୃକ୍ଷୈର୍ଲତାଗୁଲ୍ମସରୀସୃପୈଃ ।
ସବଂ ବ୍ୟାପ୍ୟ ସ୍ଥିତଂ ଶମ୍ଭୁଂ ଭୈରବଂ ତଂ ନମାମ୍ୟହମ୍ ॥ ୨୫॥
ବିକଲ୍ପକଲ୍ପରହିତଂ କଲ୍ପନାତୀତଗୋଚରମ୍ ।
ବିକଲ୍ପରହିତଂ ଶାନ୍ତଂ ଭୈରବଂ ତଂ ନମାମ୍ୟହମ୍ ॥ ୨୬॥
ଯୁଗାନ୍ତଂ ଯୁଗରୂପେଣ ଅକ୍ଷୟଂ ଚାବ୍ୟବସ୍ଥିତମ୍ ।
ସର୍ୱବ୍ୟାପି ପରଂ ବ୍ରହ୍ମ ଭୈରବଂ ତଂ ନମାମ୍ୟହମ୍ ॥ ୨୭॥
ସର୍ୱତତ୍ତ୍ୱଗତଂ ସୂକ୍ଷ୍ମଂ ଜ୍ଞାନଧ୍ୟାନପରାୟାଣମ୍ ।
ନିର୍ଲକ୍ଷଂ ପରମଂ ଶୁଦ୍ଧଂ ଭୈରବଂ ତଂ ନମାମ୍ୟହମ୍ ॥ ୨୮॥
ସିଦ୍ଧମାତରର୍ୟୋଗିନ୍ୟୈର୍ଗୁହ୍ୟକୈଃ ପାଲକୈସ୍ତଥା ।
ପୂଜିତଂ ପାଦପଦ୍ମଂ ଚ ଭୈରବଂ ତଂ ନମାମ୍ୟହମ୍ ॥ ୨୯॥
ଏବଂ ଦେବ୍ୟା ସ୍ତୁତଃ ଶମ୍ଭୁଃ ପରାନନ୍ଦାକୁଲେକ୍ଷଣମ୍ ।
ଭୈରବୋ ହୃଷ୍ଟମନସା ପ୍ରୋତ୍ଫୁଲ୍ଲକମଲାନନ୍ଃ ॥ ୩୦॥
ପ୍ରସନ୍ନୋ ବରଦୋ ଦେବୋ ବାକ୍ୟଂ ଚେଦମୁବାଚ ହ ।
ସାଧୁ ସାଧୁ ମହାଭାଗେ ତୁଷ୍ଟୋଽହଂ ଭକ୍ତବତ୍ସଳେ ॥ ୩୧॥
॥ ଇତି ଗୋରକ୍ଷସଂହିତାୟାଂ ପ୍ରଥମଃ ପଟଳାନ୍ତର୍ଗତେ ଭୈରବସ୍ତୁତିଃ ସମାପ୍ତା ॥
ଓଁ ଭଂ ଭୈରବାୟ ଅନିଷ୍ଟନିବାରଣାୟ ସ୍ୱାହା ।
ମମ ସର୍ୱେ ଗ୍ରହାଃ ଅନିଷ୍ଟନିବାରଣାୟ ସ୍ୱାହା ।
ଜ୍ଞାନଂ ଦେହି ଧନଂ ଦେହି ମମ ଦ୍ରାରିଦ୍ରୟଦୁଃଖନିବାରଣାୟ ସ୍ୱାହା ।
ସୁତଂ ଦେହି ଯଶୋ ଦେହି ମମ ଗୃହକ୍ଲେଶନିବାରଣାୟ ସ୍ୱାହା ।
ସ୍ୱାସ୍ଥ୍ୟ ଦେହି ବଳଂ ଦେହି ମମ ଶତ୍ରୁନିବାରଣାୟ ସ୍ୱାହା ।
ସିଦ୍ଧିଂ ଦେହି ଜୟଂ ଦେହି ମମ ସର୍ୱୠଣନିବାରଣାୟ ସ୍ୱାହା ।
ଓଁ ଭଂ ଭୈରବାୟ ଅନିଷ୍ଟନିବାରଣାୟ ସ୍ୱାହା ।
ଇତି ଶ୍ରୀଭୈରବସର୍ୱଫଳପ୍ରଦସ୍ତୋତ୍ରଂ ସମ୍ପୂର୍ଣମ୍ ।
(କୃଷ୍ଣଚନ୍ଦ୍ର ମହାପାତ୍ର)
Post a Comment