💐ଶ୍ରୀଲକ୍ଷ୍ମୀନାରାୟଣକବଚମ୍ 💐
ଶ୍ରୀଭୈରବ ଉବାଚ ।
ଅଧୁନା ଦେବି ବକ୍ଷ୍ୟାମି ଲକ୍ଷ୍ମୀନାରାୟଣସ୍ୟ ତେ ।
କବଚଂ ମନ୍ତ୍ରଗର୍ଭଂ ଚ ବଜ୍ରପଞ୍ଜରକାଖ୍ୟଯା ॥ ୧॥
ଶ୍ରୀବଜ୍ରପଞ୍ଜରଂ ନାମ କବଚଂ ପରମାଦ୍ଭୁତମ୍ ।
ରହସ୍ୟଂ ସର୍ୱଦେବାନାଂ ସାଧକାନାଂ ବିଶେଷତଃ ॥ ୨॥
ଯଂ ଧୃତ୍ୱା ଭଗବାନ୍ ଦେବଃ ପ୍ରସୀଦତି ପରଃ ପୁମାନ୍ ।
ଯସ୍ୟ ଧାରଣମାତ୍ରେଣ ବ୍ରହ୍ମା ଲୋକପିତାମହଃ ॥ ୩॥
ଈଶ୍ୱରୋଽହଂ ଶିବୋ ଭୀମୋ ବାସବୋଽପି ଦିବସ୍ପତିଃ ।
ସୂର୍ୟସ୍ତେଜୋନିଧିର୍ଦେବି ଚନ୍ଦ୍ରର୍ମାସ୍ତାରକେଶ୍ୱରଃ ॥ ୪॥
ବାୟୁଶ୍ଚ ବଳବାଂଲ୍ଲୋକେ ବରୁଣୋ ଯାଦସାମ୍ପତିଃ ।
କୁବେରୋଽପି ଧନାଧ୍ୟକ୍ଷୋ ଧର୍ମରାଜୋ ଯମଃ ସ୍ମୃତଃ ॥ ୫॥
ଯଂ ଧୃତ୍ୱା ସହସା ବିଷ୍ଣୁଃ ସଂହରିଷ୍ୟତି ଦାନବାନ୍ ।
ଜଘାନ ରାବଣାଦୀଂଶ୍ଚ କିଂ ବକ୍ଷ୍ୟେଽହମତଃ ପରମ୍ ॥ ୬॥
କବଚସ୍ୟାସ୍ୟ ସୁଭଗେ କଥିତୋଽୟଂ ମୁନିଃ ଶିବଃ ।
ତ୍ରିଷ୍ଟୁପ୍ ଛନ୍ଦୋ ଦେବତା ଚ ଲକ୍ଷ୍ମୀନାରାୟଣୋ ମତଃ ॥ ୭॥
ରମା ବୀଜଂ ପରା ଶକ୍ତିସ୍ତାରଂ କୀଳକମୀଶ୍ୱରି ।
ଭୋଗାପବର୍ଗସିଦ୍ଧ୍ୟର୍ଥଂ ବିନିୟୋଗ ଇତି ସ୍ମୃତଃ ॥ ୮॥
ଓଁ ଅସ୍ୟ ଶ୍ରୀଲକ୍ଷ୍ମୀନାରାୟଣକବଚସ୍ୟ ଶିବଃ ଋଷିଃ ,
ତ୍ରିଷ୍ଟୁପ୍ ଛନ୍ଦଃ , ଶ୍ରୀଲକ୍ଷ୍ମୀନାରାୟଣ ଦେବତା ,
ଶ୍ରୀଂ ବୀଜଂ , ହ୍ରୀଂ ଶକ୍ତିଃ , ଓଁ କୀଳକଂ ,
ଭୋଗାପବର୍ଗସିଦ୍ଧ୍ୟର୍ଥେ ପାଠେ ବିନିୟୋଗଃ ।
ଅଥ ଧ୍ୟାନମ୍ ।
ପୂର୍ଣେନ୍ଦୁବଦନଂ ପୀତବସନଂ କମଲାସନମ୍ ।
ଲକ୍ଷ୍ମ୍ୟା ଶ୍ରିତଂ ଚତୁର୍ବାହୁଂ ଲକ୍ଷ୍ମୀନାରାୟଣଂ ଭଜେ ॥ ୯॥
ଅଥ କବଚମ୍ ।
ଓଁ ବାସୁଦେବୋଽବତୁ ମେ ମସ୍ତକଂ ସଶିରୋରୁହମ୍ ।
ହ୍ରୀଂ ଲଲାଟଂ ସଦା ପାତୁ ଲକ୍ଷ୍ମୀବିଷ୍ଣୁଃ ସମନ୍ତତଃ ॥ ୧୦॥
ହ୍ସୌଃ ନେତ୍ରେଽବତାଲ୍ଲକ୍ଷ୍ମୀଗୋବିନ୍ଦୋ ଜଗତାଂ ପତିଃ ।
ହ୍ରୀଂ ନାସାଂ ସର୍ୱଦା ପାତୁ ଲକ୍ଷ୍ମୀଦାମୋଦରଃ ପ୍ରଭୁଃ ॥ ୧୧॥
ଶ୍ରୀଂ ମୁଖଂ ସତତଂ ପାତୁ ଦେବୋ ଲକ୍ଷ୍ମୀତ୍ରିବିକ୍ରମଃ ।
ଲକ୍ଷ୍ମୀ କଣ୍ଠଂ ସଦା ପାତୁ ଦେବୋ ଲକ୍ଷ୍ମୀଜନାର୍ଦନଃ ॥ ୧୨॥
ନାରାୟଣାୟ ବାହୂ ମେ ପାତୁ ଲକ୍ଷ୍ମୀଗଦାଗ୍ରଜଃ ।
ନମଃ ପାର୍ଶ୍ୱୌ ସଦା ପାତୁ ଲକ୍ଷ୍ମୀନନ୍ଦୈକନନ୍ଦନଃ ॥ ୧୩॥
ଅଂ ଆଂ ଇଂ ଈଂ ପାତୁ ବକ୍ଷୋ ଓଁ ଲକ୍ଷ୍ମୀତ୍ରିପୁରେଶ୍ୱରଃ ।
ଉଂ ଊଂ ଋଂ ୠଂ ପାତୁ କୁକ୍ଷିଂ ହ୍ରୀଂ ଲକ୍ଷ୍ମୀଗରୁଡଧ୍ୱଜଃ ॥ ୧୪॥
ଲୃଂ ଲୄଂ ଏଂ ଐଂ ପାତୁ ପୃଷ୍ଠଂ ହ୍ସୌଃ ଲକ୍ଷ୍ମୀନୃସିଂହକଃ ।
ଓଂ ଔଂ ଅଂ ଅଃ ପାତୁ ନାଭିଂ ହ୍ରୀଂ ଲକ୍ଷ୍ମୀବିଷ୍ଟରଶ୍ରବଃ ॥ ୧୫॥
କଂ ଖଂ ଗଂ ଘଂ ଗୁଦଂ ପାତୁ ଶ୍ରୀଂ ଲକ୍ଷ୍ମୀକୈଟଭାନ୍ତକଃ ।
ଚଂ ଛଂ ଜଂ ଝଂ ପାତୁ ଶିଶ୍ର୍ନଂ ଲକ୍ଷ୍ମୀ ଲକ୍ଷ୍ମୀଶ୍ୱରଃ ପ୍ରଭୁଃ ॥ ୧୬॥
ଟଂ ଠଂ ଡଂ ଢଂ କଟିଂ ପାତୁ ନାରାୟଣାୟ ନାୟକଃ ।
ତଂ ଥଂ ଦଂ ଧଂ ପାତୁ ଚୋରୂ ନମୋ ଲକ୍ଷ୍ମୀଜଗତ୍ପତିଃ ॥ ୧୭॥
ପଂ ଫଂ ବଂ ଭଂ ପାତୁ ଜାନୂ ଓଁ ହ୍ରୀଂ ଲକ୍ଷ୍ମୀଚତୁର୍ଭୁଜଃ ।
ଯଂ ରଂ ଲଂ ବଂ ପାତୁ ଜଙ୍ଘେ ହ୍ସୌଃ ଲକ୍ଷ୍ମୀଗଦାଧରଃ ॥ ୧୮॥
ଶଂ ଷଂ ସଂ ହଂ ପାତୁ ଗୁଲ୍ଫୌ ହ୍ରୀଂ ଶ୍ରୀଂ ଲକ୍ଷ୍ମୀରଥାଙ୍ଗଭୃତ୍ ।
ଳଂ କ୍ଷଃ ପାଦୌ ସଦା ପାତୁ ମୂଲଂ ଲକ୍ଷ୍ମୀସହସ୍ରପାତ୍ ॥ ୧୯॥
ଙଂ ଞଂ ଣଂ ନଂ ମଂ ମେ ପାତୁ ଲକ୍ଷ୍ମୀଶଃ ସକଲଂ ବପୁଃ ।
ଇନ୍ଦ୍ରୋ ମାଂ ପୂର୍ୱତଃ ପାତୁ ବହ୍ନିର୍ୱହ୍ନୌ ସଦାବତୁ ॥ ୨୦॥
ଯମୋ ମାଂ ଦକ୍ଷିଣେ ପାତୁ ନୈରୃତ୍ୟାଂ ନିରୃତିଶ୍ଚ ମାମ୍ ।
ବରୁଣଃ ପଶ୍ଚିମେଽବ୍ୟାନ୍ମାଂ ବାୟବ୍ୟେଽବତୁ ମାଂ ମରୁତ୍ ॥ ୨୧॥
ଉତ୍ତରେ ଧନଦଃ ପାୟାଦୈଶାନ୍ୟାମୀଶ୍ୱରୋଽବତୁ ।
ବଜ୍ରଶକ୍ତିଦଣ୍ଡଖଡ୍ଗ ପାଶୟଷ୍ଟିଧ୍ୱଜାଙ୍କିତାଃ ॥ ୨୨॥
ସଶୂଲାଃ ସର୍ୱଦା ପାନ୍ତୁ ଦିଗୀଶାଃ ପରମାର୍ଥଦାଃ ।
ଅନନ୍ତଃ ପାତ୍ୱଧୋ ନିତ୍ୟମୂର୍ଧ୍ୱେ ବ୍ରହ୍ମାବତାଚ୍ଚ ମାମ୍ ॥ ୨୩॥
ଦଶଦିକ୍ଷୁ ସଦା ପାତୁ ଲକ୍ଷ୍ମୀନାରାୟଣଃ ପ୍ରଭୁଃ ।
ପ୍ରଭାତେ ପାତୁ ମାଂ ବିଷ୍ଣୁର୍ମଧ୍ୟାହ୍ନେ ବାସୁଦେବକଃ ॥ ୨୪॥
ଦାମୋଦରୋଽବତାତ୍ ସାୟଂ ନିଶାଦୌ ନରସିଂହକଃ ।
ସଙ୍କର୍ଷଣୋଽର୍ଧରାତ୍ରେଽବ୍ୟାତ୍ ପ୍ରଭାତେଽବ୍ୟାତ୍ ତ୍ରିବିକ୍ରମଃ ॥ ୨୫॥
ଅନିରୁଦ୍ଧଃ ସର୍ୱକାଲଂ ବିଶ୍ୱକ୍ସେନଶ୍ଚ ସର୍ୱତଃ ।
ରଣେ ରାଜକୁଲେ ଦ୍ୟୁତେ ବିବାଦେ ଶତ୍ରୁସଙ୍କଟେ
ଓଁ ହ୍ରୀଂ ହ୍ସୌଃ ହ୍ରୀଂ ଶ୍ରୀଂ ମୂଲଂ ଲକ୍ଷ୍ମୀନାରାୟଣୋଽବତୁ ॥ ୨୬॥
ଓଁଓଁଓଁରଣରାଜଚୌରରିପୁତଃ ପାୟାଚ୍ଚ ମାଂ କେଶବଃ
ହ୍ରୀଂହ୍ରୀଂହ୍ରୀଂହହ୍ହାହ୍ସୌଃ ହ୍ସହ୍ସୌଃ ବହ୍ନେର୍ୱତାନ୍ମାଧବଃ ।
ହ୍ରୀଂହ୍ରୀଂହ୍ରୀଂଜଲପର୍ୱତାଗ୍ନିଭୟତଃ ପାୟାଦନନ୍ତୋ ବିଭୁଃ
ଶ୍ରୀଂଶ୍ରୀଂଶ୍ରୀଂଶଶଶାଲଲଂ ପ୍ରତିଦିନଂ ଲକ୍ଷ୍ମୀଧବଃ ପାତୁ ମାମ୍ ॥ ୨୭॥
ଇତୀଦଂ କବଚଂ ଦିବ୍ୟଂ ବଜ୍ରପଞ୍ଜରକାଭିଧମ୍ ।
ଲକ୍ଷ୍ମୀନାରାୟଣସ୍ୟେଷ୍ଟଂ ଚତୁର୍ୱର୍ଗଫଲପ୍ରଦମ୍ ॥ ୨୮॥
ସର୍ୱସୌଭାଗ୍ୟନିଲୟଂ ସର୍ୱସାରସ୍ୱତପ୍ରଦମ୍ ।
ଲକ୍ଷ୍ମୀସଂବନନଂ ତତ୍ୱଂ ପରମାର୍ଥରସାୟନମ୍ ॥ ୨୯॥
ମନ୍ତ୍ରଗର୍ଭଂ ଜଗତ୍ସାରଂ ରହସ୍ୟଂ ତ୍ରିଦିବୌକସାମ୍ ।
ଦଶବାରଂ ପଠେଦ୍ରାତ୍ରୌ ରତାନ୍ତେ ବୈଷ୍ଣବୋତ୍ତମଃ ॥ ୩୦॥
ସ୍ୱପ୍ନେ ବରପ୍ରଦଂ ପଶ୍ୟେଲ୍ଲକ୍ଷ୍ମୀନାରାୟଣଂ ସୁଧୀଃ ।
ତ୍ରିସନ୍ଧ୍ୟଂ ଯଃ ପଠେନ୍ନିତ୍ୟଂ କବଚଂ ମନ୍ମୁଖୋଦିତମ୍ ॥ ୩୧॥
ସ ଯାତି ପରମଂ ଧାମ ବୈଷ୍ଣବଂ ବୈଷ୍ଣବେଶ୍ୱରଃ ।
ମହାଚୀନପଦସ୍ଥୋଽପି ଯଃ ପଠେଦାତ୍ମଚିନ୍ତକଃ ॥ ୩୨॥
ଆନନ୍ଦପୂରିତସ୍ତୂର୍ଣଂ ଲଭେଦ୍ ମୋକ୍ଷଂ ସ ସାଧକଃ ।
ଗନ୍ଧାଷ୍ଟକେନ ବିଲିଖେଦ୍ରବୌ ଭୂର୍ଜେ ଜପନ୍ମନୁମ୍ ॥ ୩୩॥
ପୀତସୂତ୍ରେଣ ସଂବେଷ୍ଟ୍ୟ ସୌବର୍ଣେନାଥ ବେଷ୍ଟୟେତ୍ ।
ଧାରୟେଦ୍ଗୁଟିକାଂ ମୂର୍ଧ୍ନି ଲକ୍ଷ୍ମୀନାରାୟଣଂ ସ୍ମରନ୍ ॥ ୩୪॥
ରଣେ ରିପୁନ୍ ବିଜିତ୍ୟାଶୁ କଲ୍ୟାଣୀ ଗୃହମାବିଶେତ୍ ।
ବନ୍ଧ୍ୟା ବା କାକବନ୍ଧ୍ୟା ବା ମୃତବତ୍ସା ଚ ଯାଙ୍ଗନା ॥ ୩୫॥
ସା ବଧ୍ନୀୟାନ୍ କଣ୍ଠଦେଶେ ଲଭେତ୍ ପୁତ୍ରାଂଶ୍ଚିରାୟୁଷଃ ।
ଗୁରୁପଦେଶତୋ ଧୃତ୍ୱା ଗୁରୁଂ ଧ୍ୟାତ୍ୱା ମନୁଂ ଜପନ୍ ॥ ୩୬॥
ବର୍ଣଲକ୍ଷପୁରଶ୍ଚର୍ୟା ଫଲମାପ୍ନୋତି ସାଧକଃ ।
ବହୁନୋକ୍ତେନ କିଂ ଦେବି କବଚସ୍ୟାସ୍ୟ ପାର୍ୱତି ॥ ୩୭॥
ବିନାନେନ ନ ସିଦ୍ଧିଃ ସ୍ୟାନ୍ମନ୍ତ୍ରସ୍ୟାସ୍ୟ ମହେଶ୍ୱରି ।
ସର୍ୱାଗମରହସ୍ୟାଢ୍ୟଂ ତତ୍ୱାତ୍ ତତ୍ୱଂ ପରାତ୍ ପରମ୍ ॥ ୩୮॥
ଅଭକ୍ତାୟ ନ ଦାତବ୍ୟଂ କୁଚୈଳାୟ ଦୁରାତ୍ମନେ ।
ଦୀକ୍ଷିତାୟ କୁଳୀନାୟ ସ୍ୱଶିଷ୍ୟାୟ ମହାତ୍ମନେ ॥ ୩୯॥
ମହାଚୀନପଦସ୍ଥାୟ ଦାତବ୍ୟଂ କବଚୋତ୍ତମମ୍ ।
ଗୁହ୍ୟଂ ଗୋପ୍ୟଂ ମହାଦେବି ଲକ୍ଷ୍ମୀନାରାୟଣପ୍ରିୟମ୍ ।
ବଜ୍ରପଞ୍ଜରକଂ ବର୍ମ ଗୋପନୀୟଂ ସ୍ୱୟୋନିବତ୍ ॥ ୪୦॥
॥ ଇତି ଶ୍ରୀରୁଦ୍ରୟାମଳେ ତନ୍ତ୍ରେ ଶ୍ରୀଦେବୀରହସ୍ୟେ
ଲକ୍ଷ୍ମୀନାରାୟଣକବଚଂ ସମ୍ପୂର୍ଣମ୍ ॥
Post a Comment